میڈیا سے گفتگو کرتے ہوئے خواجہ آصف کا کہنا تھا کہ تحریک انصاف کی ایک آواز ہے جو عمران خان کی ہے، باقی جتنے رہنما ہیں وہ سب عمران خان سے ہی ہدایت لیتے ہیں، جب تک عمران خان کا واضح میسج نہیں آئےگا مذاکرات نہیں ہوسکتے۔
وزیرِ دفاع کا کہنا تھا کہ دلیہ اور کارن فلیکس کی طرح عمران خان بھی فوجی پراڈکٹ ہے، بعض اوقات پراڈکٹ اپنی اوقات بھول جاتی ہے، اس میں کوئی شک نہیں ہےکہ امریکا سے ہمارا گہرا تعلق ہے، امریکا سے تعلقات میں اونچ نیچ آتی رہتی ہے، ہمارے ملک میں کیا ہونا چاہیے کیا نہیں اس کا ہمیں بہتر پتہ ہے، اپنے مفادات کا تحفظ ہم نے کرنا ہے، امریکا یا کسی اور ملک کو نہیں پتہ، ہم بہتر سمجھتے ہیں کہ ہمارے فائدے میں کیا ہے اور نقصان میں کیا ہے۔
اُنہوں نے مزید کہا کہ ہمارے بہت سے مالی ادارے ہیں جن کی امریکا وقتاً فوقتاً مدد کرتا ہے، اگر امریکا ہم سے ناراض ہوتا توکیا آئی ایم ایف کا پروگرام ہمیں مل سکتا تھا؟
تحریک انصاف کی ایک آواز ہے جو عمران خان کی ہے، خواجہ آصف
