تفصیلات کے مطابق آئی ایس پی آر کی جانب سے بیان میں کہا گیا ہے کہ لیفٹیننٹ جنرل فیض حمید (ر) کو باضابطہ طورپر چارج شیٹ کردیا گیا اور ان کے خلاف فیلڈ جنرل کورٹ مارشل کی کارروائی شروع کی گئی،ان چارجز میں اختیارات اور سرکاری وسائل کا غلط استعمال اور افراد کو ناجائز نقصان پہنچنانا اور سیاسی سرگرمیوں میں ملوث ہونا شامل ہے۔
آئی ایس پی آر نے کہا کہ 12 اگست 2024 کو پاکستان آرمی ایکٹ کی متعلقہ دفعات کے تحت کارروائی شروع کی گئی، ان چارجزمیں سیاسی سرگرمیوں میں ملوث ہونا شامل ہے، آفیشل سکریٹ ایکٹ کی خلاف ورزیاں کرتے ہوئے ریاست کے تحفظ اور مفاد کو نقصان پہنچانا ، اختیارات اورسرکاری وسائل کاغلط استعمال اور افراد کو ناجائز نقصان پہنچنانا بھی شامل ہیں۔
آئی ایس پی آر کے مطابق پرتشدد اور بدامنی کے متعدد واقعات میں 9 مئی سے جڑے واقعات بھی شامل تفتیش ہیں جبکہ ان متعدد پرتشدد واقعات میں مذموم سیاسی عناصر کی ایما اور ملی بھگت بھی شامل تفتیش ہے۔
یاد رہے رواں سال اگست میں سابق ڈی جی آئی ایس آئی کو ملٹری کسٹڈی میں لیا گیا تھا۔
جنرل فیض حمید (ر) کو باضابطہ طورپر چارج شیٹ کردیا گیا
