پاک فوج کے شعبہ تعلقات عامہ (آئی ایس پی آر) کے مطابق خیبرپختوا کے ضلع ٹانک میں خوارج کی موجودگی کی اطلاع پر آپریشن کیا گیا جس کے نتیجے میں 7 خوارج مارے گئے۔
آئی ایس پی آر کے مطابق شمالی وزیرستان کے علاقے دتہ خیل میں کارروائی میں 2 خوارج جبکہ ضلع مہمند میں بھی شدید فائرنگ کے نتیجے میں 2 خوارج مارے گئے، ہلاک خوارج سے اسلحہ اور گولہ بارود بھی برآمد کیا گیا۔
ترجمان پاک فوج کا کہنا ہے کہ کارروائیاں 17 اور 18 دسمبر کو کی گئیں ان کا مزید کہنا تھا کہ خوارج فورسز اور معصوم شہریوں پر حملوں میں ملوث تھے۔
آئی ایس پی آر کے مطابق علاقے میں ممکنہ خوارج کے خاتمے کے لیے کلیئرنس آپریشن بھی کیے گئے، فورسز ملک سے دہشتگردی کی لعنت ختم کرنے کے لیے پرعزم ہیں۔
