پاکستان ریلوے کی جانب سے عوام کیلئے اس عید پر 5 اسپیشل ٹرینیں چلائی جائیں گی۔
وزارت ریلوے کی جانب سے بتایا گیا ہے کہ عید کے موقع پر مسافروں کو زیادہ سہولت اور محفوظ سفر فراہم کیا جائے گا، پہلی اسپیشل ٹرین 26 مارچ کو کراچی کینٹ سے براستہ ملتان، ساہیوال، لاہور روانہ ہو گی۔
وزارت ریلوے کے مطابق دوسری اسپیشل ٹرین 26 مارچ کو کوئٹہ سے پشاور روانہ ہو گی، تیسری اسپیشل ٹرین 27 مارچ کو لاہور سے براستہ ملتان کراچی کیلئے روانہ ہو گی جب کہ چوتھی اسپیشل ٹرین 27 مارچ کو کراچی سے راولپنڈی روانہ ہو گی جو فیصل آباد، سرگودھا، لالاموسیٰ سے ہوتے ہوئے راولپنڈی پہنچے گی۔
مسافروں کیلئے خوشخبری، عید کے دنوں میں تمام ٹرینوں کے کرایوں میں کمی
وزارت ریلوے نے مزید بتایا کہ پانچویں اسپیشل ٹرین 28 مارچ کو کراچی کینٹ سے براستہ ملتان، فیصل آباد لاہور روانہ ہوگی، تمام ٹرینیں اکانومی، اے سی بزنس اور اے سی اسٹینڈرڈ کلاس پر مشتمل ہوں گی۔
اس حوالے سے وزیر ریلوے حنیف عباسی کا کہنا ہے کہ کسی قسم کی غفلت یا کوتاہی برداشت نہیں کی جائےگی، غفلت برتنے پر افسران و عملے کے خلاف سخت کارروائی ہوگی۔
دوسری جانب ریلوے حکام نے عید کے موقع پر ٹرین کے کرایوں میں 20 فیصد تک کمی کا اعلان کیا ہے تاہم ٹرین کے کرایوں میں کمی کا اطلاق عید اسپیشل ٹرینوں پر نہیں ہو گا۔
ریلوے حکام نے عید کے موقع پر عوام کو بڑی خوشخبری سنا دی
