سیالکوٹ چیمبر آف کامرس میں تقریب سے خطاب کرتے ہوئے وزیر دفاع خواجہ آصف نے کہا کی صنعتی برادری کے تمام مسائل سے آگاہ ہوں، ملک اس وقت برے دور سے گزر رہا ہے، آئی ایم ایف کا پریشر ہے لیکن ایک روشنی نظر آنا شروع ہو گئی ہے، سارے اندیکیٹرز مثبت آ رہے ہیں، ہم آہستہ آہستہ مایوسی کے دور سے نکل چکے ہیں، کوئی سوچ بھی نہیں سکتا تھا کہ اسٹاک مارکیٹ مثالی ہے، ہمارے دوسرے انڈیکیٹرز بھی مثبت آرہے ہیں۔
وزیرِ دفاع کا کہنا تھا کہمہنگائی سنگل ڈیجٹ پر آگئی ہے، اس وقت پاکستان کو مختلف چیلینجز کا سامنا ہے لیکن وقت کے ساتھ ساتھ مسائل حل ہوتے جائیں گے۔
لیکن اب بھی بہت سی رکاوٹیں عبور کرنی ہیں، کچھ ایسے فیصلے ہیں جو ہم اپنی مجبوریوں کی وجہ سے نہیں لے پاتے، معاشی مجبوریاں بعض اوقات تکلیف دہ ہوتی ہیں۔
اُنہوں نے مزید کہا کہ نان کسٹم گاڑیوں کی بہت بڑی اسمگلنگ ہے، حلال اور حرام کی تمیز ختم ہو گئی ہے، پرویز الہی نے بتایا ایک بیوروکریٹ نے بچیوں کی شادی میں 4 ارب روپے سلامی کمائی، ایک کسٹم کلیکٹر کروڑوں روپے کی کرپشن کرتا ہے، پچھلے دور میں ملک میں بہت بڑی کرپشن ہوئی، اگر 50 فیصد کرپشن ختم ہو جائے تو آئی ایم ایف کی ضرورت نہ پڑے۔
سارے اندیکیٹرز مثبت آ رہے ہیں، ہم آہستہ آہستہ مایوسی کے دور سے نکل چکے ہیں، خواجہ آصف
