اسلام آباد: چیئرمین تحریک انصاف بیرسٹر گوہر کا کہنا ہےکہ سیاسی مذاکرات ہورہے ہیں اور اختلافات کو جلد ختم ہونا چاہیے۔
اسلام آباد جوڈیشل کمپلیکس میں میڈیا سےگفتگو کرتے ہوئے چیئرمین بیرسٹر گوہر نے کہا کہ عدالت نے فیصلہ دینا ہی تھا تو کچھ انتظار کرلیتے، فیصلے کا تعلق مذاکرات کے ساتھ نہ ہونا چاہیے اورنہ ہے۔
بیرسٹر گوہر کے مطابق عمران خان نے کہا کوئی ڈیل نہیں کی، 2 نکات پر مذاکرات ہوں گے، مینڈیٹ کے حوالے سے اپنے مؤقف پر قائم ہیں، درخواستیں التوا پر ہیں، 4 ماہ کے اندر مینڈیٹ پر فیصلہ ہونا چاہیے۔
چیئرمین پی ٹی آئی کا کہنا تھا کہ سیاسی مذاکرات ہورہے ہیں اور ٹیبل پر مذاکرات ہونے چاہئیں، پرامید ہیں، اختلافات کو جلد ختم ہونا چاہیے۔
عمران خان نے کہا کوئی ڈیل نہیں کی، 2 نکات پر مذاکرات ہوں گے، بیرسٹر گوہر
