فوجی عدالتوں سے سویلینز کو سزاؤں میں شفافیت، آزادانہ جانچ پڑتال کا فقدان ہوتا ہے،ترجمان برطانوی وزارت خارجہ

ترجمان برطانوی وزارت خارجہ کا کہنا ہے کہ برطانیہ قانونی کارروائیوں پر پاکستان کی خود مختاری کا احترام کرتا ہے لیکن فوجی عدالتوں سے سویلینز کو سزاؤں میں شفافیت، آزادانہ جانچ پڑتال کا فقدان ہوتا ہے، جس سے منصفانہ سماعت کے حق کو نقصان پہنچتا ہے، لہٰذا برطانیہ کی  حکومت پاکستان سے مطالبہ کرتی ہے کہ وہ “شہری اور سیاسی حقوق کے بین الاقوامی کنونشن” کے تحت اپنی ذمہ داریوں کو نبھائے۔

یاد رہے کہ 21 دسمبر کو سانحہ 9 مئی میں ملوث 25 مجرمان کو فوجی عدالتوں کی جانب سے سزائیں سنائی گئیں۔ مجرمان کو 2 سے 10 سال تک قید بامشقت کی سزائیں سنائی گئیں