میڈیا سے گفتگو کرتے ہوئے چیئرمین تحریک انصاف بیرسٹر گوہر کا کہنا ہے کہ ہماری اسپیکر کے ساتھ کل کی میٹنگ غیر رسمی تھی، مذاکرات کے اگلے دور میں تمام ممبران شریک ہوں گے، امید ہے مذاکرات نتیجہ خیز ہوں گے، اسپیکر صاحب کو پہلے ہی بتایا تھا چار ارکان دستیاب نہیں ہیں، اگلی میٹنگ میں چارٹر آف ڈیمانڈ پیش کریں گے، ہم پہلے چاہتے ہیں ہماری کوشش ہے کمیٹی کی ملاقات عمران خان سے ہو، مذاکراتی کمیٹی عمران خان نے بنائی یہ ان کا ہی اختیار ہے، ہم پرامید ہیں سارے مسائل کا حل نکل آئےگا، سمجھتا ہوں اختلافات ہوتے ہیں لیکن پر امید رہنا چاہیے۔
چیئرمین تحریک انصاف کا کہنا تھا کہ عمران خان نے بین الاقوامی معاملات پر پارٹی چیئرمین، جنرل سیکرٹری اور سیکرٹری اطلاعات کے علاوہ دیگر عہدے داروں کو تبصرے سے روک دیا ہے،عمران خان سے سول نافرمانی تحریک پر نہیں صرف مذاکرات پر بات ہوئی، انہوں نے مذاکرات کو خوش آئند قرار دیا اور کہا بات اور اس پر عمل درآمد ایک ٹائم فریم میں ہونا چاہیے۔
مذاکرات کے اگلے دور میں تمام ممبران شریک ہونگے، امید ہے مذاکرات نتیجہ خیز ہوں گے، بیرسٹر گوہر
