معاشی استحکام کو برقرار رکھنے کیلئے مسلسل کوششوں کی ضرورت ہے، وزیرِ خزانہ

اقتصادی رابطہ کمیٹی کے اجلاس سے خطاب کرتے ہوئے وزیر خزانہ محمد اورنگزیب نے کہا  کہ جلد ہی ہم زرمبادلہ زخائر تین ماہ کی برامدات کے مساوی لے جائیں گے، میکرو اکنامکس استحکام کا اثر جلد حقیقی معیشت میں بھی نظر آئے گا، کرنٹ اکاؤنٹ سرپلس دس سال کی بلند ترین سطح اور مہنگائی 6 سال کی کم ترین سطح پر ہے۔

وفاقی وزیر خزانہ نے کہا کہ کھانے پینے کی اشیا کی قیمتوں میں اضافے کو سنجیدگی سے لے رہے ہیں، عالمی منڈی میں مرغی اور دالوں کی قیمتوں میں کمی اور ایندھن سستا ہونے کے باوجود ملک میں دالیں مہنگی ہورہی ہیں، اس مہنگائی کا ذمہ دار مڈل مین ہے۔

دوسری طرف اقتصادی رابطہ کمیٹی کے اعلامیے میں کہا گیا کہ بنیادی اشیا کی قیمتوں میں نمایاں کمی سے عوام کو ریلیف ملا، آٹا، مرچ، ڈیزل، پیٹرول، دالیں، پیاز، چینی سمیت کئی اشیا سستی ہوئیں،  معاشی استحکام کو برقرار رکھنے کیلئے مسلسل کوششوں کی ضرورت ہے، زراعت، مینوفیکچرنگ اور انفرااسٹرکچر میں سرمایہ کاری بڑھائی جائے گی۔