اسلام آباد: 9 مئی کے ملزمان کی ضمانت منسوخی کے لیے سپریم کورٹ میں دائر حکومتی اپیلیں سماعت کیلئے مقرر کردی گئیں۔
میڈیا کے مطابق 9 مئی کے ملزمان کی ضمانت منسوخی سے متعلق دائر اپیلوں پر چیف جسٹس یحییٰ آفریدی کی سربراہی میں 3 رکنی بینچ 10مارچ سے سماعت کرے گا۔
چیف جسٹس کے علاوہ جسٹس مسرت ہلالی اور جسٹس میاں گل حسن بینچ کا حصہ ہوں گے۔
9 مئی ملزمان کی ضمانت منسوخی کی 16 اپیلوں پر سماعت 11 مارچ کو ہوگی جب کہ بینچ 12مارچ کو 9 مئی ملزمان کی ضمانت منسوخی کی 8 اپیلوں پر بھی سماعت کرے گا۔
واضح رہے کہ پنجاب حکومت نے 9 مئی ملزمان کی ضمانتیں منسوخ کرنے کے لیے عدالت سے رجوع کر رکھا ہے۔
نو مئی کے ملزمان کی ضمانت منسوخی کیلئے سپریم کورٹ میں دائر حکومتی اپیلیں سماعت کیلئے مقرر
