اسلام آباد میں ایک تقریب سے خطاب کرتے ہوئے وزیر خزانہ محمد اورنگزیب نے کہا تمام بینکاروں سے گزارش کی جاتی ہے کہ دیوالیہ اداروں کی بحالی کو ترجیح دی جائے، عدالت میں جانے سے پہلے اداروں کی بحالی کیلئے اقدامات کریں،زرمبادلہ کے ذخائر ڈھائی ماہ کی درآمدات کے لیے کافی ہیں، ملک مشکلات میں جاتے ہیں اور پھر نکل آتے ہیں۔
وزیر خزانہ نے کہا کہ پاکستان نے جڑواں خساروں پر قابو پالیا، ملک میں مارکیٹ بیسڈ ایکسچینج ریٹ نافذ ہے، معاشی ترقی میں نجی شعبے کی حوصلہ افزائی کررہے ہی کیوں کہ حکومت نجی شعبے کو آگے لانا چاہتی ہے۔
محمد اورنگزیب کا کہنا تھا کہ بینک تھوڑا سا حوصلہ رکھیں، حکومت کاروبار نہیں کرے گی، نجی شعبہ ہی یہ کام کرے گا۔
انہوں نے مزید کہا کہ ملکی معیشت استحکام کی جانب گامزن ہے، حکومت نجی شعبے کو مکمل سپورٹ فراہم کرے گی، قرض اور دیوالیہ اداروں کو ملکیتی قوانین کے اطلاق کی ضرورت ہے، حکومت چاہتی ہے کہ مشاورت سے آگے بڑھا جائے۔
پاکستان نے جڑواں خساروں پر قابو پالیا،وزیرِ خزانہ
