پی ٹی آئی اپنے پیشگی مطالبات سے پیچھے ہٹ گئی ہے، حکومتی ذرائع

حکومتی ذرائع کے مطابق تحریک انصاف 9مئی اور 26 نومبر پر جوڈیشل کمیشن چاہتی ہے، مفاہمت کی فضا پیدا کرنے کیلئے پی ٹی آئی کی مذاکراتی پیشکش قبول کی لیکن اب پی ٹی آئی اپنے پیشگی مطالبات سے پیچھے ہٹ گئی ہے۔
ہم نے ہمیشہ سیاسی مذاکرات سےمسائل کےحل کی بات کی گئی، سیاست میں مذاکرات ہی آگے بڑھنے کا راستہ ہوتا ہے انتشار نہیں۔

پی ٹی آئی کی5رکنی مذاکراتی کمیٹی بانی پی ٹی آئی کی طرف سے تشکیل دی گئی تھی۔

اس سے قبل بیرسٹر گوہر نے حکومت سے مذاکرات کے حوالے سے کہا تھا کہ آج سے مذاکرات شروع نہیں ہورہے لیکن ہم کوشش کررہے ہیں، جوکمیٹی بنائی ہے اس کا پراسس فالو ہونا چاہیے، عمران خان بانی پی ٹی آئی نے کمیٹی بنائی ہے تاکہ کسی حل پر پہنچ جائیں اور سیاسی مسائل کامستقل حل ڈھونڈا جائے، چاہتے ہیں مذاکرات ہوں اور کسی حل تک پہنچا جائے۔