پی ٹی آئی میں راستے بند کرنے کے بجائے راستے کھولنے کی سوچ پیدا ہو رہی ہے تو یہ اچھی بات ہے،عرفان صدیقی

میڈیا سے گفتگو کرتے ہوئے سینیٹر عرفان صدیقی نے کہاکہ پی ٹی آئی کے جو مطالبات ہیں، وہ بہت بڑے مطالبات ہیں، یہ مطالبات ایسے نہیں کہ ہم فوری اس پر ردعمل دیں، جہاں کہیں گنجائش نکلے گی ہم ضرور نکالیں گے، تحریک انصاف کو ہماری حدود کا علم ہے، انہیں پتا ہے کہ حکومت قیدیوں کو کتنی رعایت دے سکتی ہے۔

سینیٹر عرفان صدیقی نے کہا  اگر پی ٹی آئی میں راستے بند کرنے کے بجائے راستے کھولنے کی سوچ پیدا ہو رہی ہے تو یہ اچھی بات ہے، اسٹیبلشمنٹ کے حوالے سے بھی اُن کے دل میں نرم گوشہ پیدا ہو رہا ہے جو بہت اچھی پیشرفت ہے۔