پاکستان کرکٹ بورڈ نے انٹرنیشنل کرکٹ کونسل کو باضابطہ طور پر آگاہ کر دیا ہے کہ انہوں نے چیمپیئنز ٹرافی 2025 کے لیے ہائبرڈ ہوسٹنگ ماڈل کو مسترد دیا ہے۔ یہ اعلان آئی سی سی کے جمعہ کے اجلاس سے قبل کیا گیا۔
رپورٹس کے مطابق، پی سی بی نے اجلاس سے پہلے اپنا مؤقف دوٹوک انداز میں پیش کرتے ہوئے کہا کہ پاکستان چیمپیئنز ٹرافی کی میزبانی کے حقوق کسی دوسرے ملک کے ساتھ شیئر کرنے کے لیے بالکل بھی تیار نہیں ہے۔
پاکستان کرکٹ بورڈ نے یہ بات بھی واضح کی ہے کہ ایسا کیسے ممکن ہوسکتا ہے کہ پاکستانی ٹیم بھارت کا دورہ کرے لیکن بھارتی ٹیم پاکستان آنے سے انکار کرے۔
پی سی بی نے کی جانب سے آئی سی سی کو اس اہم مسئلے کا قابل عمل حل فراہم کرنے کا کہا گیا تاکہ تیاری کے لیے مزید وقت مل سکے اور حتمی فیصلے تک پہنچنا آسان ہو جائے۔
چیمپیئنز ٹرافی فروری و مارچ 2025 میں پاکستان میں ہونے کا پروگرام ہے، لیکن بھارت کی جانب سے اپنی ٹیم کو پاکستان بھیجنے سے انکار کے باعث ٹورنامنٹ کے انعقاد میں غیر یقینی صورتحال پیدا ہو گئی ہے۔
چیمپیئنز ٹرافی 2025 کیلئے ہائبرڈ ہوسٹنگ ماڈل مسترد
