اسلام آباد میں میڈیا سے گفتگو کرتے ہوئے چیئرمین پی ٹی آئی بیرسٹر گوہر علی خان نے کہا کہ آج کی کمپلینٹ ایک پرائیویٹ کمپلینٹ ہے، اس کا طریقہ کار مختلف ہوتا ہے، ہم نے اپنے 12 شہدا اور 49 زخمیوں کا ذکر کیا تھا، زخمیوں میں سے مزید 2 افراد جاں بحق ہو چکے ہیں ان کا ڈیٹا بھی عدالت میں جمع کرانا ہے، اس کے بعد اس کمپلینٹ پر مزید کارروائی ہو گی۔
بیرسٹر گوہر کا کہنا تھا کل حکومت سے ہمارے مذاکرات کا تیسرا سیشن ہو گا، ہم اپنے مطالبات تحریری طور پر جمع کرائیں گے، حکومت اگر نیک نیتی اورسنجیدگی کے ساتھ بیٹھےتو مسائل کا حل نکل سکتا ہے، جمہوریت اور سیاسی استحکام کے لیے ضروری ہےکہ سیاسی قیدیوں کورہائی ملے اور ریلیف ملے۔
انہوں نے مزید کہا کہ امید ہے کہ مذاکرات کا عمل جلد مکمل ہوگا اور کوئی خوشخبری آئے گی، عمران خان کے خلاف جتنے کیسز بنا سکتے تھے بنا دیےگئے وہ سیاسی قیدی ہیں ان کو رہائی ملنی چاہیے۔
