چیف جسٹس اسلام آباد ہائیکورٹ عامر فاروق اور جسٹس ارباب محمد طاہر نے مطیع اللہ جان کے 2 روزہ جسمانی ریمانڈ کے خلاف درخواست پر سماعت کی۔
صحافی مطیع اللہ جان کے طرف سے وکلا ایمان مزاری اور ہادی علی چٹھہ عدالت میں پیش ہوئے۔
وکیل اسلام آباد ہائی کورٹ بار ریاست علی آزاد نے عدالت میں ایف آئی آر پڑھ کر سنائی۔
اسلام آباد ہائیکورٹ نے صحافی مطیع اللہ جان کے 2 روزہ جسمانی ریمانڈ کا فیصلہ معطل کر کے مطیع اللہ جان کو جوڈیشل ریمانڈ پر بھیج دیا۔
جبکہ مطیع اللہ جان کی وکیل ایمان مزاری نے کہا ہے کہ آج ہی مطیع اللہ جان کی درخواست ضمانت دائر کی جائے گی۔
یاد رہے کہ انسداد دہشت گردی کی عدالت نے گزشتہ روز مطیع اللہ کو دو روزہ جسمانی ریمانڈ کے لیے پولیس کے حوالے کیا تھا۔
