پی ٹی آئی رہنما عمر ایوب نے چیف جسٹس پاکستان سے اسلام آباد میں مظاہرین پر تشدد کی جوڈیشل انکوائری کرانے کا مطالبہ کر دیا۔
عمر ایوب نے کہا کہ ڈی چوک پر پُر امن مظاہرین کو شہید کیا گیا، اس معاملے کی مکمل جوڈیشل انکوائری کرائی جائے۔
انہوں نے مزید کہا کہ میں، علی امین اور بشریٰ بی بی آخر تک اسلام آباد میں ہی موجود تھے لیکن پھر اسنائپرز کی جانب سے فائرنگ کا سلسلہ شروع ہوگیا جس کے بعد ہم نے واپس جانے کا فیصلہ کیا۔
یاد رہے کہ تین روز قبل سکیورٹی فورسز کی جانب سے اسلام آباد کو پی ٹی آئی مظاہرین سے خالی کرانے کے لیے آپریشن کیا گیا تھا، جس کے شروع ہوتے ہی وزیراعلیٰ کے پی علی امین گنڈا پور اور بشریٰ بی بی موقع پر موجود نہیں تھے اور دیگر کارکن بھی چلے گئے تھے۔ جس کے بعد عوام کی جانب سے پی ٹی آئی قیادت پر شدید تنقید کی جا رہی ہے۔
