نادرا کے  ڈائریکٹر جنرل کی ڈگری جعلی قرار، ملازمت سے فارغ

ذرائع کے مطابق نادرا کے  ڈائریکٹر جنرل ذوالفقار احمدکی ایم بی اے ڈگری پر دستخط کرنے والا شخص اس وقت جارج میسن یونیورسٹی امریکا کا صدر نہیں تھا جب کہ بی بی اے کی ڈگری میں کالج کا دیا ہوا نام دراصل ڈگری کے اجرا کے وقت کچھ اور تھا۔

نادرا کی طرف سے دی گئی درخواست پر ہائر ایجوکیشن کمیشن کی جانب سے انکوائری کی گئی، جس میں نادرا کی حاصل کی ہوئی معلومات کی تصدیق کی گئی۔

نادرا کے  بھیجے گئے نوٹس پر ذوالفقار احمد کوئی تسلی بخش جواب نہ دے سکے، جس کے بعد  چیئرمین نادرا نے ہائیکورٹ کے فیصلے اور شوکاز کے غیر تسلی بخش جواب پر تادیبی کارروائی کی،  جس کے بعد ذوالفقار احمد کو ملازمت سے برطرف کردیا گیا۔