سیاسی ایشوز سمیت ہر معاملے پر مذاکرات میں کردار ادا کرنے کیلئے تیار ہوں، اسپیکر قومی اسمبلی

اسپیکر قومی اسمبلی  ایاز صادق کہنا ہے کہ حکومت اور اپوزیشن میں تلخیاں ختم کرنے کےلیے مذاکرات بہت ضروری ہیں اور مذاکرات کے لیے میرا دفتر اور گھر ہر وقت حاضر ہے۔، میں سیاسی ایشوز سمیت کسی بھی معاملے پر مذاکرات میں کردار ادا کرنے کے لیے تیار ہوں۔

اس حوالے سے رانا ثنااللہ نے گزشتہ روز کہا تھا کہ پی ٹی آئی سنجیدہ ہے تو حکومت کو مثبت پیغام دے ہم بھی اسپیکر کو کہیں گے کہ وزیر اعظم سے بات چیت کریں۔

خیال رہے کچھ دنوں سے حکومت اور  اپوزیشن بالخصوص تحریک انصاف کے درمیان مذاکرات کی خبریں گردش کر رہی ہیں  مگر اب دونوں جانب سے باقاعدہ مذاکرات شروع ہونے کی کوئی تصدیق نہیں کی گئی۔