پی ٹی آئی کے مرکزی سیکرٹری اطلاعات شیخ وقاص اکرم نے پشاور میں پریس کانفرنس کی، جس میں اُنہوں نے کہا کہ ڈھیل نہیں مانگ رہے نہ مذاکرات کو عدالتی فیصلے سے نتھی کیا ہے اگر 6 جنوری کو عمران خان کو سزا سنا دی جائے تو بھی مذاکرات جاری رہیں گے، مذاکرات جاری رہنے یا روکنے کا دارو مدار حکومتی مذاکراتی کمیٹی کی سنجیدگی اور بات چیت میں پیشرفت پر ہے۔
شیخ وقاص اکرم کا کہنا تھا ہماری سول نافرمانی کی تحریک پاکستان کے خلاف نہیں بلکہ فارم 47 سے آئی حکومت کے خلاف ہے۔
دوسری جانب لاہور کی عدالت میں پیشی کے موقع پر گفتگو کرتے ہوئے شاہ محمود قریشی کا کہنا تھا کہ مذاکرات مثبت نتیجے پر جانے چاہئیں ورنہ حکومت ڈگمگا جائے گی، مذاکرات کی ضرورت پاکستان کو ہے تحریک انصاف کو نہیں، جمہوریت کے دعوے دار سنجیدگی سے مذاکرات آگے بڑھائیں
سول نافرمانی کی تحریک پاکستان کے خلاف نہیں بلکہ فارم 47 حکومت کے خلاف ہے، شیخ وقاص
